Apr
24
2015
意甲双雄拿玻里同费伦天拿今晚喺欧霸盃8强次回合分途出击，由盃赛专家宾尼迪斯领军嘅拿玻里喺首回合大炒德甲禾夫斯堡4比1，出线冇悬念，今晚返去主场作战，预料会睇定嚟食，拿玻里细盘必捧！
（有线61及201台周五凌晨3时05分直播）
宾尼迪斯呢个盃赛专家真係好坚，无论係带华伦西亚、利物浦、国际米兰定车路士，都一定会有盃落袋，到执教拿玻里亦攞到意大利盃同意大利超级盃。嚟到欧霸盃，拿玻里喺8强首回合作客禾夫斯堡一仗被睇低一线，皆因「狼堡」主场实在太犀利，连拜仁慕尼黑去到都要输波，势估唔到宾尼迪斯一样有办法令拿玻里大胜而回。「狼堡」今场仲有前锋肯特因伤缺阵，作客想翻盘睇怕都好难，相信宾尼迪斯今场都会使出拿手好戏，稳守行先，守到「狼堡」一戙都冇。
费伦夫添打爆基
至于「紫百合」费伦天拿出线亦有优势，首回合作客乌克兰球队基辅戴拿模打和1比1，取得宝贵嘅作客入球，「紫百合」已经争唔到下届欧联资格，球队全心争逐欧霸盃，上场联赛败于维罗纳一仗，主帅蒙迪拿收起部分主力，明显係留力备战今场，球队更有后衞荷西巴辛达刑满复出，面对有前锋达高域要停赛嘅基辅，有力赢波出线！
你可能还会喜欢。。。
0条评论 to “东方日报：拿玻里细味禾夫斯堡”