Apr
24
2015
今晚欧霸8强次回合瞩目之战，衞冕嘅西甲劲旅西维尔作客俄超一哥辛尼特，虽然后者今仗有「变形侠医」侯克在内四名球员坐完波监复出，但西维尔日前联赛不惜失分都要进行大轮换，让多名主力抖到够，摆明车马係搏欧霸喇，今仗仲有得受让咁笋，斯维力撑让球客胜。
（有线64及203台周五凌晨3时05分直播）
辛尼特喺俄超就虾虾霸霸，出去打欧洲赛多数都变软脚蟹。辛尼特首回合作客输1比2，虽然抢到一个作客入球，今场又有侯克、尼艾维斯、基斯薛图及施莫尼哥夫刑满复出，牌面唔错，不过呢班兵总係予人各自为战嘅感觉，就算有地利都不宜高估。
贵为上届盟主，加上夺冠可取得下届欧联入场券，西维尔争取蝉联嘅决心唔使怀疑，主帅艾美利深明众将于上仗反胜辛尼特搏得好尽，特登喺日前联赛对ＣＦ格兰纳达进行大轮换，让班尼加在内嘅7名喺首回合打正选嘅球员休息搞到失分，令争前四机会大打折扣，不过从另一面嚟睇，西维尔非常重视欧霸，绝对唔赦辛尼特。况且喺2005-06年度球季，西维尔咁跷于8强淘汰辛尼特，之后一路奏凯捧走欧洲足协盃（欧霸前身），斯维认为佢哋今仗可顶住唔输杀入4强，让球主客和仲受让一球，让球客胜咪走宝。
布鲁日受让无迪手
另一场8强次回合，乌克兰迪尼普主场硬撼比利时劲旅布鲁日，双方首回合打成0比0，虽然布鲁日未能藉地利先拔头筹，但亦冇失作客入球，查实佢哋连埋外围赛在内，喺欧霸取得11胜4和，係今届唯一不败之师。迪尼普虽有中场沙高夫坐完波监，但轮到前锋费杜祖克停赛，攻力受削，点让得起金身未破嘅布鲁日呀？一于捧布鲁日让球客胜。
（有线63台周五凌晨3时05分直播）
你可能还会喜欢。。。
0条评论 to “东方日报：西维尔蓄锐唔赦辛尼特”